بەهۆی ئاڕاستەکردنی موشەکێکەوە،
زەنگی ئاگادارکردنەوەی ئاسمانی لە ئیسرائیل لێدرا، سوپای ئیسرائیل دەڵێت: موشەکەکە لە یەمەنەوە
ئاڕاستەکراوە.
هەواڵ: KNNC
میدیاکانی ئیسرائیل بڵاویانکردەوە،
ئەمڕۆ یەکشەممە موشەکێکی بالیستیک لە یەمەنەوە بەرەو ئیسرائیل هەڵدراوە و هێزی
ئاسمانی وڵاتە زەنگی ئاگادارکردنەوەی هێرشی ئاسمانی لە سەرانسەری وڵاتدا لێداوە.
ئاماژەیان بەوەشکردوە،
سوپای ئیسرائیل لێکۆڵینەوە لە ڕوداوەکە ئەنجام دەدات، بەڵام تا ئێستا هیچ وردەکارییەک
ئاشکرا نەکراوە.
هاوکات، سوپای ئیسرائیل پشتڕاستیکردەوە موشەکێک لە یەمەنەوە ئاڕاستەی خاکی
وڵاتەکەیان کراوە و رێگریان کردوە ئامانجەکەی بپێکێت.
یەحیا سەریع، وتەبێژی حوسییەکان ڕۆژی شەممە ڕایگەیاند،
حوسییەکان دوو ئۆپەراسیۆنی سەربازییان ئەنجامداوە، یەکەمیان فڕۆکەخانەی بن گوریۆنی
لە یافا بە موشەکی هایپەرسۆنیکی 'فەلەستین 2 کردە ئامانج، دووەمیان ژمارەیەک کەشتی
جەنگی سەر بە کەشتی فڕۆکە هەڵگری ترومان-یان لەدەریای سور بە ژمارەیەک فڕۆکەی بێفڕۆکەوان کردە ئامانج.
366 جار خوێندراوەتەوە