ڕێكخراوی نەتەوەیەكگرتوەكان ڕایدەگەیەنێت: هیچ كەسێك لە جەنگی بارزگیانیدا، براوە نابێت و دەشڵێت: سیستمی بازرگانی نێودەوڵەتی دەچێتە قۆناغێكی هەستیارەوە كە هەڕەشە لەسەر گەشەكردن و پێشكەوتن دروست دەكات.

ئابوری:KNNC

ستیڤان دوجاریك، وتەبێژی سكرتێری گشتیی نەتەوە یەكگرتوەكان بڵاوی كردەوە: ئەنتۆنیۆ گۆتیرێس، هۆشداریی دەدات لەوەی، هیچ كەسێك لە جەنگی بارزگانیدا براوە نابێت، لە دوای ئەوەی ئەمریكا باجی گومرگی بەسەر وڵاتانی جیهاندا سەپاند.

وتیشی: نیگەرانیەكانی ئێستایان پەیوەندیدارە بە دۆخی وڵاتە لاوازەكان كە كەمتر ئامادەن بۆ مامەڵەكردن لەگەڵ ئەم دۆخەی ئێستا دروست بوە، ئاماژەی بەوەش كرد: ئامانجەكانی نەتەوە یەكگرتوەكان بۆ گەشەكردنی بەردەوام، كاریگەریی نەرێنیی لەسەر دروست دەبێت بەهۆی هەڵگیرسانی جەنگی بازرگانیی نێودەوڵەتی.

لای خۆشیەوە، كۆنفرانسی نەتەوە یەكگرتوەكان بۆ بازرگانی و گەشەپێدان، هۆشداریی دا بەوەى، سیستمی بازرگانی نێودەوڵەتی دەچێتە قۆناغێكی هەستیارەوە كە هەڕەشە لەسەر گەشەكردن و وەبەرهێنان و بەرەوپێشچون دروست دەكات.