بەرپرسێکی باڵای پەکەکە دەڵێت: ئەگەر تورکیا هێرشەکانی بۆسەر گەریلا ڕانەگرێت نە کۆنگرە دەبەستن نە خۆیان هەڵدەوەشێننەوە، ئاماژە بەوەشدەدات ئەگەر تورکیا هەنگاوی یاسایی نەنێت پەکەکەش بەو شێوەیەی ئێستا ناوەستێت.

هەواڵ:KNNC

مستەفا قەرەسو ئەندامی کۆنسەی بەڕێوەبەریی کۆما جڤاکێن کوردستان- کەجەکە و بەرپرسی باڵای پارتی کرێکارانی کوردستان-پەکەکە لە دیدارێکی تەلەفزیۆنیدا لەبارەی پڕۆسەی چارەسەریی کرد و رایگەیاند: تا هێرشەکانی تورکیا بۆسەر گەریلاکان بەردەوام بێت، پەکەکە کۆنگرەی خۆهەڵوەشاندنەوە و چەکدادان نابەستێت، بۆیە پێویستە تورکیا هەنگاو بنێت و هێرشە سەربازییەکانی ڕابگرێت تا پەکەکەش هەنگاوی دیکە بنێت.

مستەفا قەرەسو ئاماژەی بەوەشدا، پێویستە دەسەڵاتی تورکیا ئەو قسانەی سەبارەت بە پڕۆسەی چارەسەریی و بنیادنیانی ئاشتیی کردویەتی بیانکاتە کردار و جێبەجێیان بکات، تەواوی هەنگاوەکانیش بە یاسایی بکات، ئەگەر نا پەکەکە ناتوانێت بەم شێوەیەی ئێستا بوەستێت.