هەریەک لە دەم پارتی و کۆنگرەی نەتەوەیی کورد پەیامێکیان بڵاوکردەوە و تێیدا ئەنفال بە کارەساتێکی مێژویی ناو دەبەن و جەخت دەکەنەوە، پێویستە کەیسی ئەنفال بەنێودەوڵەتی بکرێت.

هەواڵ:KNNC

دەم پارتی لە راگەیەنراویکدا کە بە بۆنەی ساڵیادی ئەنفال بلاویکردەوە، 14 ی نیسان ڕۆژێکی رەش لە مێژوی گەلی کورددا ناودەبات.

دەشڵیت، بە فەرمانی ڕژێمی سەدام حسێن، بە هاوکاری زلهێزەکان و پاڵپشتی دەوڵەتان، پلانی قڕکردنی گەلی کورد بە ناوی ئەنفال جێبەجێ کرا.

باسی لەوەشکردوە، ئەم کۆمەڵکوژییە نەک تەنها لە ویژدانی یەک نەتەوەدا، بەڵکو لە ویژدانی هەمو مرۆڤایەتیدا برینێکی قوڵ و ساڕێژنەکراوی بەجێهێشتوە.

دەم پارتی دوپاتیشیدەکاتەوە ئەنفال کردەوەیەک بو لە پێناو بەئامانجگرتنی  زمان و کولتور و مێژو و داهاتوی گەلی کورد.

هاوکات، کۆنگرەی نەتەوەیی کورد لە راگەیەنراوێکدا بە بۆنەی ساڵیادی ئەنفاڵ دوپاتیکردەوە کە دۆسییەی ئەنفال دەبێت بە نێودەوڵەتی بکرێت و جەختیشی کردەوە کە بەهەمو توانایەکیان بۆ ئەو مەبەستە کار دەکەن.