خەڵاتەكانی جامی نەتەوەكانی ئەوروپای 2024 ئاشكراكراو پاڵەوانی جامەكەش نزیكەی 29 ملیۆن یۆرۆ وەردەگرێت.

وەرزش:KNNC

یەكێتی تۆپی پێی ئەوروپا وردەكاری خەڵاتەكانی یۆرۆی ئاشكرا کرد و كۆی بڕی ئەو پارەیەی بۆ خەڵاتەكان دیاریكراوە 331 ملیۆن یۆرۆیە.

هەر هەڵبژاردەیەكی بەشدار لە یۆرۆدا 9 ملیۆن و 250 هەزار یۆرۆ وەردەگرێت و بردنەوەی یارییەك لە قۆناغی كۆمەڵەكاندا خەڵاتەكەی یەک ملیۆن یۆرۆیە و بۆ یەكسانبونیش 500 هەزار یۆرۆ دیاریكراوە.

چوار هەڵبژاردەكەی قۆناغی چوارگۆشەی زێڕین چوار ملیۆن یۆرۆ خەڵات دەكرێن و پاڵەوانیش لەبەرامبەر بردنەوەی یاریی كۆتایش 8 ملیۆن یۆرۆی پێدەدرێت و 5 ملیۆن یۆرۆش خەڵاتی خاوەن پلەی دوەمە.

بەگشتی كۆی خەڵاتی پاڵەوانی جامی یۆرۆ دەگات بە 28 ملیۆن و 250 هەزار یۆرۆ.

جامی نەتەوەكانی ئەوروپای 2024 هەینی داهاتو دەستپێدەكات و تاكو 14ی مانگی داهاتو دەخایەنێت.