ڤینیسیۆس جۆنیۆری ئەستێرەی بەرازیلی یانەی ڕیاڵ مەدرید لە ژێر هەڕەشەی بەشداری نەكردنە لەجامی سوپەری ئیسپانیادا.

وەرزش:KNNC

رۆژنامەی مۆندۆدیپۆرتیڤۆ بڵاویكردۆتەوە، ڕیاڵ مەدرید لە جامی سوپەری ئیسپانیاداو لەگەشتی سعودیەدا ناتوانێت ڤینیسیۆس جۆنیۆر لەگەڵ خۆی ببات، ئەگەر ئەو یاریزانە بە ڕاگرتن بۆ 4 یاری سزابدرێت.

مۆندۆدیپۆرتیڤۆ بڵاویشیكردۆتەوە داوەری یارییەكەی ڕیاڵ مەدرید و ڤالینسیا لە ڕاپۆرتەكەیدا نوسیویەتی یاریزانی ژمارە 7ی ڕیاڵ مەدرید بە بێ بونی تۆپ و بێ هیچ پاساوێك ئازاری سەری گۆڵپارێزی ڤالنیسیای داوەو بەو هۆیەشەوە لەخولەكی 79دا كارتی سوڕ بەڕودا بەرزكرایەوە.

نوسیویشیەتی ئەو یاریزانەی ڕیاڵ مەدرید بە ناڕازەییەتیەكی زۆرەوەو بەپاڵپێوەنان لەلایەن ئەندامانی یانەكەیەو بۆ ژوی خۆگۆڕینی یاریزانان بردراوە.

لەكاتێكدا ئەگەر ڤینیسیۆس سزا بدرێت، ئەوا ناتوانێت جگە لە یارییەكی جامی شاو لالیگا بەشداری جامی سوپەریش بكات.

جامی سوپەری ئیسپانیا لە نێوان 8 بۆ 12ی ئەم مانگە لە سعودیە بە بەشداری یانەكانی ڕیاڵ مەدرید و بارسێلۆنا و ڕیاڵ مایۆركا و ئەتلەتیك بیلباو بەڕێوەدەچێت.