لە قەزای چوکورجای لە پارێزگای جولەمێرگ-ـی باکوری کوردستان، دوای 29 ساڵ ژمارەیەک هاولاتی بە مۆڵەتی تایبەت گەڕانەوە بۆ زێدی خۆیان بۆ کۆکردنەوەی هەنگوینی کوێستانەکان.

هەواڵ:KNNC

لە قەزای چوکورجا لە پارێزگای جولەمێرگ، ژمارەیەک خێزانی دانیشتوی ناوچەکە دوای 29 ساڵ بە مۆڵەتی قائیمقام گەڕانەوە بۆ گوندەکانیان کە پێشتر بەهۆی چەند روداوێکەوە ناوچەکەیان بەجێهێشتوە.

دانیشتوانی گوندی کاوشاک و کوخەکانی دەوروبەری کە سەربە قەزاکەن و دەکەوێتە سەر سنوری عێراق، لە ساڵی 1995دا  بەهۆی شەڕ و ئاڵۆزیی ناوچەکەوە زێدی خۆیان بەجێهێشتوە، رویان کردوەتە ناوەندی شار و پارێزگا و قەزاکانی دەوروبەری.

دانیشتوانی ئەو ناوچانە کە لە شوێنی نیشتەجێبوونیان سەرقاڵی کاری هەنگەوانی و پیشەی جۆراوجۆرن، لە پاش گەڕانەوەی ئارامی و ئاسایش بۆ ناوچەکەیان لە پاش چەندین ساڵ توانیان ڕوو لە زێدی خۆیان بکەنەوە.