لە ئەنجامی باران بارینی بەخوڕ لە ڤالێنسیا و ناوچەی ئەندەلوسی ئیسپانیا (62) كەس گیانیان لە دەستدا و سەرۆك وەزیرانی ئەو وڵاتەش دەڵێت: : لە كاتە سەختەكاندا هاوڵاتیانی وڵات بەتەنیا جێناهێڵین.


هەواڵ: (KNNC)


فەرمانگەی فریاگوزاری ئیسپانیا بڵاویكردەوە؛ لە ئەنجامی باران بارینی بەخوڕ لە ئێوارەی رۆژی سێشەممەوە لە ڤالێنسیا و ناوچەی ئەندەلوسی رۆژهەڵاتی ئیسپانیا، تا ئێستا (62) گیان لەدەستدان تۆمار كراوە و نەشیانتوانیوە فریاگوزارییەكان بە بەشێكی زۆر لە ناوچە كارەساتبارەكان بگەیەنن.

پێدرۆ سانچێز، سەرۆک وەزیرانی ئیسپانیا، لە تۆڕی كۆمەڵایەتی (X) نوسیویەتی: بە نیگەرانییەوە بەدوای ئەو زانیاریانەدا دەگەڕێم كە بەهۆی زریانەكانەوە گیانیان لەدەستداوە و زیانیان بەركەوتوە.

سەرۆك وەزیران داوای لە دانیشتوانی ئەو ناوچانەی بارانە بەخوڕەكە روی تێكردون كردوە كە، پابەندی ئەو رێنماییانە بن كە لەلاەین تیمەكانی فریاگوزارییەوە بڵاودەكرێتەوە و بەوریایەکی زۆر لە چونە دەروە و گەشتە ناپێویستەکان خۆتان بەدور بگرن.

دوای گەڕانەوەشی لە هندستان، لە دیمانەیەكی كورتی تەلەفزیۆنیدا سەرۆک وەزیرانی ئیسپانیا رایگەیاند: لە كاتە سەختەكاندا هاوڵاتیانی وڵات بەتەنیا جێناهێڵین و ئەم باران بارینە بەهێزە وێرانکەرە بە کۆتایی ژیانییان نازانین.

لای خۆشیەوە شا فیلیپی شەشەم لە وتارێکی کورتدا ئاماژەی بۆ ئەوەكردوە، بەهۆی سەختی بارودۆخەكەوە گەیشتن بە هەندێک شوێن ئەستەمە و هێشتا داتای تەواومان لەسەر ژمارەی قوربانییەکان و زیانەکانی زریانەکە نییە.