بەهۆی ئەو موشەکانەی لە لوبنانەوە ئاڕاستەی ئیسرائیل کران چوار هاوڵاتی تایلەندی لە باکوری ئیسرائیل کوژران.
هەواڵ:KNNC
وەزیری دەرەوەی
تایلەند ئەمڕۆ هەینی رایگەیاند، بەهۆی ئەو موشەکانەی لە لوبنانەوە ئاڕاستەی
ئیسرائیل کراون، چوار هاوڵاتیی وڵاتەکەی لە باکوری ئیسرائیل کوژراون.
ئاماژەی بەوەشکردوە، لە هێرشەکەدا بۆسەر
ئیسرائیل پێنج کەس کوژراون کە چواریان تایلەندین و یەکێکی دیکەیان کرێکار بوە.
نزیکەی 30 هەزار هاوڵاتی تایلەندی لە ئیسرائیل
دەژین، کۆمەڵگای تایلەندی لە ئیسرائیل لە دوای هێرشەکەی بزوتنەوەی حەماسەوە زیانێکی
زۆری بەرکەوتوە و تا ئێستا لانیکەم 39 کەس لە ئەنجامی هێرشەکانی بۆسەر ئەو وڵاتە کوژراون.
هاوکات ئاژانسی
فرانس پرێس بڵاویکردوەتەوە، بزوتنەوەی حەمماس زیاتر لە 20 هاوڵاتی تایلەندی
دەستگیرکردوە.
85 جار خوێندراوەتەوە