دوای ئەوەی چەندین دۆسیە لە دژی دۆناڵد ترەمپ کرایەوە پێش ئەنجامدانی هەڵبژاردن، ئێستا ئیلۆن مەسکی ملیاردێر کە لایەنگر و پاڵپشتی ترەمپە، بەتۆمەتی هەوڵدان بۆ گۆڕانکاریی لە ئەنجامی هەڵبژاردنەکان بانگهێشتی دادگا کراوە.

هەواڵ:KNNC

بە پێی ڕاپۆرتێکى سکای نیوز، بەتۆمەتی بەخشینەوەی پارە بۆ گۆڕانکاریی لە ئەنجامەکان و هاندانی هاوڵاتییان بۆ ئەوەی دەنگ بە ترەمپ بدەن، دامەزرێنەری کۆمپانیای تێسلا و خاوەنى پێگەى ئێکس؛ ئەمڕۆ پێنجشەممە بۆ دانیشتنێکی لەناکاو، بانگهێشتی دادگا دەکرێت.

سکای نیوز ئاماژەی بەوەداوە، هۆکارەکە ئەو خەڵاتە یەک ملیۆن دۆلارییە کە ئیلۆن ماسک دەیدات بە دەنگدەرانی تۆمارکراو لە ویلایەتە خۆڵەمێشییەکان کە دیار نییە کێ تێیاندا براوە دەبێت.

هەرچەندە پارێزەرانی ئۆپۆزسیۆنی کۆمارییەکان و رەخنەگرانی کارەکانی ماسکیش، تا ئێستا نەیانتوانیوە ئەم کارەی ماسک وەک پێشێلکاریی یاسای بناسێنن، بەڵام وادیارە دادوەرێکی سەر بە دیموکراتەکان هەوڵدەدات ماسک رابگرێت.

داواکە رۆژی دوشەممە لەلایەن لاری کراسنەر، پارێزەر لە ویلایەتی پێنسیلڤێینیا تۆمارکراوە کە ماسکی تۆمەتبارکردوە بەوەی  تیروپشکێکی نایاسایی ئەنجامداوە، بۆ ئەوەی کاریگەری لەسەر دەنگدەران هەبێت.

ماسک پێشتر رایگەیاندبو کە رۆژانە یەک ملیۆن دۆلار لە تیروپشکێکدا دەداتە دەنگدەرانی تۆمارکراو کە داواکارییەک بۆ پاراستنی ئازادی قسەکردن و مافەکانی پەیوەست بە دەستدرێژیکردن واژۆ دەکەن، کە ئەمە یەکێکە لەو هەنگاوانەی ترەمپ لە هەڵبژاردنەکەدا بانگەشەی بۆ دەکات.

ئەم تیروپشکەش تا ڕۆژی هەڵبژاردن کە دەکاتە  پێنجی تشرینی دوەم بەردەوام دەبێت،  ماسک تەنها لەو شوێنانە ئەنجامی دەدات کە بەناوچەی خۆڵە مێشی ناسراون و دیار نین کە دەنگدەری کۆمارییەکانن یاخود دیموکراتەکان.

ڕاپرسییەکان دەریدەخەن، ماسک سەرکەوتو بوە لە پلانەکەیدا و تیروپشکەکانی توانیویەتی ئەنجامەکە لە بەرژەوەندی ترەمپ بگۆڕێت.