بەرگری شارستانی هەرێم دەڵێت: بەپێی پێشبینییەکانی کەشناسی چاوەڕوان دەکرێت شەپۆلێکی باران بارین سنوری پارێزگای سلێمانی بگرێتەوە و (40)ملیمەتر باران ببارێت، خۆپاراستن لەهەر روداوێکی نەخوازراو ئەم رێنماییانەی خوارەوە جێبەجێبکە.

1- لە سەنتەری شارەکان ئامادەباشی تەواو کراوە لە پاککردنەوەی مەنهۆلەکان و کردنەوەی ڕێڕەوی ئاوی قورس و ئاوی باران لەلایەن تیمەکانی شارەوانی بۆیە، گرینگە هاولاتیان بەپێی ڕێنماییەکان هەلسوکەوت بکەن.

2-دوربکەونەوە لەو شوێنانەی، کە لە ساڵانی ڕابردو ئاوی لێ کۆدەبۆوە بەتایبەتی ژێر پردەکان ئەو ناوچانەی رێڕەوی ئاون.

3- هەموو تیمەکان و بنکەکانی ناو شار لە حالەتی ئامادەباشی تەواو دان بۆ هەر ئەگەرێک.

رێنماییەکان بۆ دەرەوەی شارەکان:

1- ناوچە نزمەکان بەتایبەتی کەند و چەمەکان مەترسیدارن بەهۆی هاتنی ئاوی باراناو بۆیە دوربکەونەوە لەو ناوچانە.

2-شوانکار و مەڕداران دەبێت لەو ناوچانەی رێرەوی ئاوی بارانن دوربکەونەوە بۆ سەلامەتی خۆیان.

3- لە دەشت و ناوچە شاخاویەکان بروسک و هەورە تریشقە مەترسیدارن شوانکار و مەرداران و گوندنشینان وریابن.

4- هەولبدەن گەشت نەکەن باشترە بۆ سەلامەتی خۆتان.

بەرگری شارستانی هەرێم، داواش لە هاوڵاتییان دەکات لە کاتی بونی هەر حاڵەتێکی نەخوازراو بەزووترین کات پەیوەندی بە هێلی گەرمی بەرگری شارستانی بکەن ژمارە ( 115 ).