بەهۆی داگیرساندنی مۆمەوە لە سلێمانی ماڵێک سوتا و دوو منداڵ گیانیان لەدەستدا و منداڵێکی دیکەش دۆخی تەندروستی ناجێگیرە.

هەواڵ:KNNC

پەیامنێری KNN لە سلێمانی رایگەیاند، کاتژمێر (3:00)ـی بەرەبەیانی ئەمڕۆ لە یەکێک لە پرۆژەکانی نیشتەجێبون، بەهۆی داگیرساندنی مۆم، ماڵێک ئاگری گرت و بەهۆیەوە دوو منداڵی کچ کە تەمەنیان 10 ساڵ و شەش ساڵە گیانیان لەدەستدا.

وتیشی، منداڵێکی دیکەی ئەو خێزانە بەهۆی روداوەکە دۆخی تەندروستی ناجێگیرە.

ئاماژەی بەوەشکردوە، خانوەکە دوو نهۆم بوە لەکاتی روداوەکە دایکی منداڵەکان لە نهۆمی سەرەوە بوە و نهۆمی یەکەم بەتەواوی سوتاوە.

بەپێی زانیاریەکانی پەیامنێری کەی ئێن ئێن ئەو خێزانە خەڵکی بەغدادن، بەڵام ماوەی چەند ساڵێکە لە سلێمانی نیشتەجێن.

سلێمانی/بڕیار نامیق