توێژینەوە نوێیەکان تیشک دەخەنەسەر سودەکانى خواردنەوەى چاى سەوز بە لیمۆوە بۆ وەرگرتنى چەندین سودى تەندروستى لەوانەش بەرەوپێشبردنى تەندروستى دڵ و پاراستنى کەسەکە لە توشبون بە شێرپەنجە و لەدەستدانى کێش.


تەندروستى:KNNC

پێگەى تەندروستى (هێلس لاین) لەبارەى سودیی ئەم خواردنەوەیەوە دەڵێت: هەردو چاى سەوز و لیمۆش دەوڵەمەندن بە دژە ئۆکسانى وەک گالات ئبیگالۆکیتشین و کیرسیتین و ترسى ئەسکۆربیک، کە پارێزەرن لە هەوکردن خراپبونى خانەکان.

ئەو پێگەیە دەڵێت: لەبەر ئەم سودانە خواردنەوەى چاى سەوز بە لیمۆوە تەنها خواردنەوەیەکى خۆش نییە بەڵکو چەندین سودیشى هەیە:

-بۆ لەدەستدانى کێش سودى هەیە
بەهۆى ئەو کافایین و دژە ئۆکسانانەى لە چاى سەوزدایە، مێتابۆلیزم خێرا دەکات، بەهۆى ئەو دژە ئۆکسانەى کە هەیەتى چەورییە زیادەکان تێکدەشکێن و وزەى جەستە زیاد دەبێت، ئەم کاریگەرییانەش بە زیادکردنى لیمۆ زیاتر دەبن.

-لە نەخۆشى شەکرە دەتانپارێزێت
خواردنەوەى چاى سەوز هاوکاریی کۆنتڕۆڵکردنى رێژەى شەکر دەکات لە خوێندا و ئەگەرى توشبون بە شەکرەى جۆرى دوو کەم دەکاتەوە، خواردنى لیمۆش بۆ دابەزاندنى رێژەى شەکر لە خوێندا کەم دەکاتەوە بەتایبەت لەکاتى گرتنى رۆژوى زانستیدا.

-تەندروستى دڵ بەرەوپێش دەبات
هەریەکە لە لیمۆ و چاى سەوز، تەندروستى دڵ بەرەوپێش دەبەن لەڕێی باشترکردنى کارى بۆرییەکانى خوێن و نەهێشتنى هەوکردن و کۆنتڕۆڵکردنى کۆلیسترۆڵ، بەکارهێنانى ئەم خواردنەوەیە پەیوەندیی بە کەمبونەوەى مەترسییەکانى توشبون بە نەخۆشى دڵەوە هەیە.

-تەندروستى مێشک دەپارێزێت
توێژینەوەکان دەریانخستوە کە لیمۆ ئەرکی جۆراوجۆری چالاکە زیندوەکانی هەیە و کاریگەری پارێزەری هەیە لە دژی فشاری ئۆکسجین و پیربون و شێرپەنجە، دەریشکەوتوە کە کارکردنی مەعریفی بەرز دەکاتەوە. هاوکات رێژەی کاتیچین لە چای سەوزدا دەتوانێت لە تێکچونی دەمارەکان بپارێزێت.

-لە توشبون بە نەخۆشى شێرپەنجە پارێزگاریی دەکات
ئەنجامی لێکۆڵینەوەیەکی ئەمەریکی دەریخستوە کە ئیپیگالۆکاتەچین گالات (EGCG) کە لە چای سەوزدا هەیە زۆرترین توانای دژە هەوکردن و دژە شێرپەنجەی هەیە، هەروەها توانای پاراستنى لە توشبون بە جۆرەها جۆری شێرپەنجەی هەیە، لیمۆش پەیوەندی بە کەمبونەوەی مەترسی توشبون بە چەند جۆرێکی شێرپەنجەوە هەیە.