د. زانیار ئاغال، ئەندامی کۆلێژی شاهانەی بەریتانیا چەند هۆکارێک دەخاتەڕو کە دەبنەهۆی هەڵئاوسانی دەم و چاو، کە ئەمانەن:

1- ئاڵۆشیی(هەستیاری): ئەمەیان ڕوونە لای زۆربەی خەڵک، ئینجا ئاڵۆشیی بێت بە دەرمانێک، بە جۆرە خواردنێک یان بە خەنەی قژ و بۆیەی سەر و هەر هۆکارێکی دیکە کە ئەو کەسە حەساسییەتی پێ هەبێت.

2-بێ‎ هۆ: واتە هۆکارێکی جەستەیی دیاریکراو نییە کە ئەو کەسە بۆ توش دەبێت، زۆربەی کات بە هۆی ماددەیەکی تایبەتەوەیە.

3-بۆ‎ماوەیی: هەندێک کەس کە زۆربەی کات منداڵ یان گەنجن توشدەبن بەهۆی بۆ ماوەییەوە لە دایبابەوە.

4-بە‎ هۆی دەرمانی زەختەوە: زۆر بە دەگمەن هەندێک دەرمانی چارەسەری بەرزەفشاری خوێن ئەم حاڵەتە درووست دەکات.

ڕێنمایی:

کە‎ توشبویت سەردانی پزیشک بکە، هەناویی گشتی بێت یان پێست، بەڵام باشترە سەردانی نەخۆشخانە بکەیت لە سەرەتاوە.

کە دەرکەوت لەو جۆرەیت کە بۆماوەییە، گرنگە ناوی نەخۆشییەکە بزانیت و لە کاتی نەشتەرگەری یان ددان چاک کردن بە پزیشکەکەت بڵێیت، چونکە لەو کاتانەدا ئەگەری هەیە بووروژێت و ببێتە هۆی گیرانی هەناسە.