کەشناسی هەرێم رایگەیاند، ئەمڕۆ ئاسمان پەڵەهەور دەبێت، سبەینێ پلەکانی گەرما زیاتر دادەبەزن و بەفر و باران دەبارێت.

هەواڵ:KNNC

بەڕێوەبەرایەتی گشتی کەشناسی و بومەلەرەزەزانی هەرێم بڵاویکردەوە، ئەمڕۆ ئاسمان ساماڵ و پەڵە هەوردەبێت و پلەکانی گەرما گۆڕانکارییان بەسەردا نایەت.

سەبارەت بە کەشی سبەینێ شەممە رایگەیاند، ئاسمان لە نێوان نیمچە هەور و هەوری تەواو دەبێت، لەکاتەکانی دوانیوەڕۆ نمەباران لە هەندێک ناوچە دەبارێت پاشان لە شەودا کاریگەریی دابارین زیاد دەکات و نمە بارانی مامناوەند لە زۆربەی ناوچەکان دەبارێت، بەتایبەت لە سنوری پارێزگاکانی دهۆک و سلێمانی و ئیدارە سەربەخۆکانی سۆران و راپەڕین.

پێشبینیشیکردوە، بەفرێکی کەم لە ناوچە شاخاوییە سنورییەکان ببارێت، هەروەها پلەکانی گەرما بە نزیکەی دوو تـــا چــــوار پلە نزمتر دەبێتەوە.

بەرزترین پلەکانی گەرمای پێشبینیکراو بە پلەی سیلیزی:

هەولێر: 14 پلەى سیلیزى
سلێمانی: 12 پلەى سیلیزى
دهۆک: 15 پلەى سیلیزى
کەرکوک: 17 پلەى سیلیزى
هەڵەبجە: 12 پلەى سیلیزى
زاخۆ: 15 پلەى سیلیزى
گەرمیان: 17 پلەى سیلیزى