پۆلیسی تورکیا دو هاوسەرۆک و چوار ئەندامی شارەوانی سەر بە دەمپارتی لە ئاکدەنیز دەستگیرکرد و بینای شارەوانییەکەشی گەمارۆدا.

هەواڵ:KNNC

پۆلیسی تورکیا بینای شارەوانیی ناحیەی ئاکدەنیز-ی سەر بە پارێزگای مێرسینی گەمارۆدا و هۆشیار ساری یڵدز و نوریەت ئەسلان هاوسەرۆکانی شارەوانی و چوار ئەندامی دیکەی شارەوانییەکەی دەستگیرکرد.

عەلی بۆزان، پەرلەمانتاری مێرسینی دەمپارتی بە کەی ئێن ئێنی ڕاگەیاند، پۆلیس ڕێگەی پێنەداوە بچێتە ناو شارەوانی و پێیان ڕاگەیاندوە، قەیوم بەسەر شارەوانیدا سەپێنراوە.

عەلی بۆزان ڕایگەیاند، شارەوانی تا ئێستاش لەلایەن پۆلیسەوە گەمارۆدراوە و لە کاتژمێرەکانی داهاتو خۆپیشاندان بەرامبەر بەو بڕیارە ئەنجام دەدەن. 

هاوکات، دەم پارتی گەمارۆی سەر شارەوانییەکەی ئیدانە کرد و ڕایگەیاند، دەستگیرکردنی شارەوانی ئاکدەنیز، داگیرکاری ئاکەپە-مەهەپە نیشان دەدات و ئەم داگیرکارییە زیان بە هەمو تورکیا دەگەیەنێت.