به‌ره‌به‌یانی ئه‌مڕۆ یه‌كشه‌ممه‌ كاتژمێر 1:15 خوله‌ك، بومەلەرزەیەکی بەھێز، بە گوڕی  5.9 له‌ ھەرێمی کوردستان و عێراق و پارێزگای کرماشانی روویداو بووە هۆی ئەوەی بەشێکی زۆر لە شار و شارۆچکەکان بهەژێنێت.

بەپێی ئاژانسه‌كانی هه‌واڵی ئێران، لە ئەنجامی بوومەلەرزەکە 2 کەس گیانیان لەدەستداوە و زیاتر له‌ 240 کەسی تریش برینداربوون و ژمارەیەکی زۆریش بیناو خانوو ڕوخاون.

بوومەلەرزەكە لە پارێزگای كرماشان رویداو دواتریش لە كاتژمێر 1:13 خولەك پارێزگای سلێمانی و هەڵەبجەو كەركوك و دیالەو سەلاحەدین و بەغداشی گرتەوەو هەستی پێكرا.

ناوەندی تۆماركردنی بومەلەرزەی ئێران بڵاویكردوەتەوە، بومەلەرزەكە بە گوڕی 5.9 پلەی رێختەر پارێزگای كرماشانی گرتەوەو چەقی بومەلەرزەكە ناوچەی تازاوا بوە.