وەزارەتی دارایی هەرێم رایدەگەیەنێت: بەغداد تەنها لە (48%)ـی شایستە دارییەكانی هەرێمی لە پشكی بودجەی ساڵی (2024) بە (52) گوژمە ناردوە.


هەواڵ: (KNNC)


وەزارەتی دارایی و ئابوری حكومەتی هەرێمی كوردستان بڵاویكردەوە؛ بەپێی پێداچونەوەی هەژمار (كشف حساب)ـی بانكی وەزارەت لە بانكی ناوەندی عێراق لقی هەرێم/هەولێر لە (1/1 بۆ 31/12/2024) وەزارەتی دارایی حكومەتی فیدراڵ لەكۆی (20) ترلیۆن و (910) ملیار و (463) ملیۆن و (950) هەزار دینار تەنها (10) ترلیۆن و (26) ملیار و (883) ملیۆن و (544) هەزار (589) دینار كە بەرێژەیی دەكاتە لە (48%)ـی شایستە دارییەكانی هەرێم لەیاسای بودجەی عێراق ناردوە.


رونیكردوەتەوە، ئەو بڕە پارەی ئاماژەی پێكراوە بەشێوەی پچڕپچڕ و بە(52) گوژمە لەلایەن حكومەتی فیدراڵەوە رەوانەی هەرێم كراوە.


وەزارەتی دارایی هەرێم راشیگەیاندوە: وەزارەتی دارایی فیدراڵ لە خەرجی بەكارخستن و وەبەرهێنان یەك دیناری بۆ هەرێمی كوردستان نەناردوە و ئەو پارەشی كە تەمویلی كردوە تەنها بۆ موچە بوە، كە لەتێكڕایی ساڵەكەدا بەنزیكەیی دەكاتە موچەی (10) مانگی موچەخۆرانی هەرێمی كوردستان.