حکومەتی عێراق، بە ئامانجی زیادکردنی بەرھەمھێنانی نەوت و غاز لە چوار کیڵگەی نەوتی لە کەرکوک، یادداشتنامەیەکی لەگەڵ کۆمپانیای بریتش پیترۆڵیۆم (BP)ی بەریتانی واژۆکرد.

هەواڵ:KNNC

نوسینگەی ڕاگەیاندنی سەرۆکوەزیرانی عێراق بڵاویکردەوە، لە ڕێوڕەسمێکدا لە لەندەن، یاداشتنامەیەکی لێکتێگەیشتن لەنێوان وەزارەتی نەوتی عێراق و کۆمپانیای بریتش پیترۆڵیۆم (BP)ی بەریتانی واژۆکراوە.

راشیگەیاندوە، لەچوارچێوەی واژۆکردنی یاداشتنامە لێکتێگەیشتنەکە، کۆمپانیای بریتش پیترۆڵیۆم کاری نۆژەنکردنەوە و پەرپێدان لە چوار کێڵگەی کەرکوک بە ئامانجی زیادکردنی بەرھەمھێنانی نەوت و غاز لەو چوار کێڵگەیە ئەنجام دەدات.

کۆمپانیای بریتش پیترۆڵیۆم (BP) لە ساڵانی ڕابردودا، چەندین کاری نۆژەنکردنەوە و پەرەپێدانی لە کێڵگە نەوتییەکان لە عێراق ئەنجامداوە بە تایبەتیش لە کێڵگە نەوتییەکانی کەرکوک و بەسرە.

ھەروەھا کۆمپانیاکە لە ساڵی 2013ـدا، گرێبەستێکی بە بەھای 100 ملیۆن دۆلار بە مەبەستی گەڕان بە دوای بیری نەوت لە پارێزگای کەرکوک لەگەڵ حکومەتی عێراق واژوکردبو و لە ساڵی 2019 کۆتایی ھات.