بزوتنەوەى حەمماس بارمتەیەکى دیکەى ئازادکرد و لەبەرامبەر ئەوەشدا ئیسرائیل 30 دیلى فەلەستین ئازاد دەکات کە بە سزاى جۆراوجۆر و جیاواز سزا دراون.

هەواڵ:KNNC



ئەمڕۆ پێنجشەممە، بزوتنەوەى حەمماس ژنە سەربازێکى ئیسرائیلى بەناوى ئاگام بیرگەر-ى رادەستى خاچى سور کردوە لە کامپى جەبالیا و لە رادەستکردنەکەشدا دەیان چەکدارى بزوتنەوەى حەمماس ئامادەبون.

سەرچاوەیەک لە بزوتنەوەى حەمماس ئەوەى ئاشکرا کردوە کە ناوى ئەو کەسانەیان رادەست کردوە کە بڕیارە هەر ئەمڕۆ ئازادیان بکەن کە ئەوانیش، ئەربیل یەهود و ئاگام بیرگەر و غادى مۆزیس-ن و لە ئێستادا تەنها یەکێکیان رادەست کردوە.

ئەوەش خراوەتەڕو کە لەبەرامبەر رادەستکردنى ئاگاد بیرگەر، ئیسرائیل 50 دیلى فەلەستینى ئازاد دەکات کە بەشێکیان سزاى زیندانى هەتاهەتاییان هەیە و تۆمەتبارن بە کوشتنى ئیسرائیلییەکان.

لە بەرامبەر ئەربیل یەهود 30 ژنە فەلەستینى کە لە زیندانەکانى ئیسرائیلدان ئازاد دەکرێن و لە بەرامبەر گادى مۆزیسى 80 ساڵیش 30 بارمتەى فەلەستین ئازاد دەکرێن.