ڕێكخراوێكی بواری مافەکانی مرۆڤ بڵاویکردەوە: هێرشی تورکیا و گروپە هاوپەیمانەکانی بۆسەر ئامبوڵانسەکانی مانگی سوری کوردی لە باکوری سوریا لە تاوانی جەنگ دەچێت، هەربۆیە دەبێت لێپرسینەوەیان لەگەڵدا بکرێت.

هەواڵ:KNNC

هیبا زیائەدین، ئەندام و لێکۆلەر لە ڕێكخراوی هیومان ڕایتس وۆچ ڕایگەیاند: تورکیا و سوپای نیشتمانی سوریا، بە ئاشکرا هێرش دەکەنە سەر خەڵك و ناوچە سڤیلنشینەکان لە سوریا.

ئەو لێکۆڵەرەی ریکخراوەکە ئاماژەی بەوەشکرد: هێرشکردنە سەر ئامبوڵانسێكی مانگی سوری کوردی لە ڕۆژی 18ـی ئەم مانگە لە نزیك بەنداوی تشرین لە تاوانی جەنگ دەچێت و دەبێت لێپرسینەوە لەگەڵ سوپای نشتیمانی سوریا بکرێت.

ڕێكخراوەکە لە زاری چەند هاوڵاتییەك لە ڕۆژئاوای کوردستان بڵاویشیکردوەتەوە، خەڵكی لە ناوچەکە بە شێوازێكی ئاشتیانە چونەتە بەنداوی تشرین بەمەبەستی کۆتاییهێنان بە ئامانجگرتنی ژێرخان و سەرخانی خاکەکەیان بەهۆی دەستدرێژییەکانی تورکیا و گروپە چيکدارەکانەوە. 

بەهۆی لەکارکەوتنی بەنداوی تشرین، 413 هەزار کەس لە ناوچەکانی منبەج و کۆبانێ و دەوروبەریان، بێ ئاو و کارەبا بون، بەوهۆیەوە هاوڵاتییان قەڵغانی مرۆییان لەسەر بەداوەکە دروستکردوە بەڵام تورکیا و گروپەچەکدارەکانی سوپای نیشتیمانی سوریا بەردەوام بۆردومان و هیڕشیان دەکەن سەر.