قائیمقامیەتى سلێمانى ئاشکرایکرد کە بەهۆى ئەوەى سیحر و جادوى تێدا کراوە، ئارایشتگایەکیان داخستوە و خاوەنەکەشى روبەڕوى رێکارە یاساییەکان کراوەتەوە.

هەواڵ:KNNC

قائیمقامیەتى سلێمانى دەڵێت: به‌هۆی پابه‌ند نه‌بون به‌مه‌رج و رێنماییه‌كانی كاركردن و ئه‌نجامدانی كاری سیحر و جادو تیایدا، لیژنه‌ هاوبه‌شه‌كانی قائیمقامییه‌تی سلێمانی (شنه‌ بیوتی) داخستوە.

ئاماژە بۆ ئەوەکراوە کە ئارایشتگاکە لە  گه‌ڕه‌كی به‌كره‌جۆى شارى سلێمانی-یە، خاوەنەکەى لەناویدا کارى سیحر و جادوى بۆ خەڵک کردوە، ئێستا روبەڕوى رێکارە یاساییەکان کراوەتەوە و دۆسیەکەشى رەوانەى دادگا دەکرێت.

لیژنه هاوبه‌شه‌كانی قائیمقامییه‌تی سلێمانی، هۆشداری توند به‌خاوه‌ن شوێنه‌كان ده‌دات، هه‌ر شوێنێك كاری سیحر و جادوی تیادا ئه‌نجام بدرێت، ده‌سبه‌جێ شوێنه‌كه‌ داده‌خرێت و خاوه‌نه‌كه‌شی روبه‌ڕوی رێكاری یاساییه‌كان ده‌كرێته‌وه‌.