بزوتنەوەی گۆڕان پێشوازی لە رێککەوتنی کورد و دەسەڵاتی
سوریا دەکات و وتەبێژى بزوتنەوەکەش یەکدەنگی کوردیش بە پێویستی قۆناغەکە ناودەبات.
هەواڵ:KNNC
دلێر عەبدولخالق، وتەبێژی بزوتنەوەی گۆڕان لەبارەی رێککەوتنی کورد و دەسەڵاتی سوریا رایگەیاند:
بزوتنەوەی گۆڕان پێشوازیی لە ڕێککەوتنی مەزڵوم عەبدی فەرماندەی گشتی هەسەدە و ئەحمەد
شەرع سەرۆکی راگوزەری سوریا دەکات و بە سەرەتایەکی باشی بنیادنانی سوریایەکی دیمکورات
لێی دەڕوانێت لەپێناو کۆتاییهاتنی شەڕ بەدیهێنانی سەقامگیریی ناوچەکە.
دلێر عەبدولخالق وتیشی: ئاستی رێککەوتنەکە بە تەنها
بەس نییە و گرنگ جێبەجێکردنیەتی، یەک وتاری و یەک دەنگی کورد، لەنێویشتیدا هەسەدە
و ئەنەکەسە لە سوریا بنەمایەکی باشی پڕۆسەکە دەبێت.
لە بەشێکی دیکەی قسەکانیدا ئاماژەی بەوەدا، پێویستە
کورد بەشداریی کارای هەبێت لە نوسینەوەی دەستوردا لەپێناو دەستەبەری مافە نەتەوەییەکانی
، هەبونی وڵاتانی وەک ئەمەریکا و فەرەنسا و وڵاتانی دیکەی ئەوروپی بە دڵنیایی لە دەستەبەری
مافەکانی کورد دەدەن.
131 جار خوێندراوەتەوە