سوپای ئیسرائیل، هێزەکانی لە کەمپی پەنابەرانی فەرەعە لە رۆژئاوای کەرتی غەززە کشاندەوە.

هەواڵ:KNNC

بەرەبەیانی ئەمڕۆ چوارشەممە، سوپای ئیسرائیل سەرجەم هێزەکانی لە کەمپی پەنابەرانی فەرەعە لە پارێزگای توباس لە رۆژئاوای کەرتی غەززە کشاندەوە، ئەوەش دوای 11 رۆژ لە هێرشکردنەسەر ناوچەکە و سەپاندنی قەدەغەی هاتوچۆ.

ئاژانسی ئەنادۆڵ بڵاویکردوەتەوە، سوپای ئیسرائیل وێرانکارییەکی گەورەی لە ژێرخان و ماڵی فەڵەستینییەکان ئەنجامداوە،هەر لەوچوارچێوەیەشدا سوپای ئیسرائیل بەردەوامە لە ئۆپەراسیۆنە سەربازییەکان لە پارێزگای تولکارم و جێنین.

رۆژی نۆی ئەم مانگەش، لەچوارچێوەی رێکەوتنی ئاگربەست، سوپای ئیسرائیل لە میحوەری نەتەنزیم لە ناوەڕاستی کەرتی غەززە کشایەوە.

بەگوێرەی ڕێککەوتنی ئاگربەستی نێوان سوپای ئیسرائیل و بزوتنەوەی حەمماس، ئیسرائیل لە تەواوی ڕێڕەوی دابەشکردنی کەرتی ناوچەکە دەکشێتەوە و تەنیا ئامادەیی خۆی لە ناوچەیەکی پارێزراو لە نزیک غەززەدا دەپارێزێت.

شەوی رابردوش، بنیامین نەتانیاهۆ، سەرۆك وەزیرانی ئیسرائیل هەڕەشەی لە بزوتنەوەی حەماس کرد و رایگەیاند: تا رۆژی شەممە بارمتەكان رادەست نەكات پابەندی ئاگربەست نابن و كۆتایی بە حەماس دەهێنن.