سەرۆکی ئەمەریکا جەختدەكاتتەوە كە پابەندە بە کڕینی غەززە و پێدەچێت بۆ دوبارە ئاوەدانكردنەوەشی بەشێك لە  کەرتی غەززە بدات بە وڵاتانی رۆژهەڵاتی ناوەڕاست، بزوتنەوەی حەماسیش بڵاویكردەوە؛ قسەكانی ترەمپ هیچ بەهایەكی نییە، چونكە رەنگدانەوەی نەزانییەکی قوڵە لەسەر فەلەستین و ناوچەکە.


هەواڵ: (KNNC)


جارێكی دیكە دۆناڵد ترەمپ، سەرۆكی ئەمەریكا جەختی لە كڕینی غەززە و خاوەندارێتی زەویەكەی كردەوە و لەناو کەشتیی فڕۆکەوانی هێزی ئاسمانیدا بەڕۆژنامەنوسانی راگەیاند: دوای كڕینی كەرتی غەززە، سود لە زەویەكەی دەبینێت بۆ گەشەپێدانی داهاتو، هەروەها ئاگاداری فەلەستینییەکان دەبێت و دڵنیا دەبێتەوە کە "ناکوژرێن".


ئاماژەی بەوەشکرد، غەززە شوێنێکی جیاوازە بۆ كەرتی خانوبەرە كە ناتوانین دەستی لێهەڵبگرین، بۆیە لەگەڵ وڵاتانی دەوڵەمەند لە رۆژهەڵاتی ناوەڕاست غەززە ئاوەدان دەکەنەوە.


وتیشی: ئەگەر دەرفەت بدرێت بە فەلەستینییەکان ناگەڕێنەوە غەززە، چونكە بزوتنەوەی حەماس كارەساتی بەسەر ئەو خەڵكەدا هێناوە، لەسەر بەندكراوە ئیسرائیلییەكانیش كە حەماس ئازای كردن وتی: پێدەچێت بارمتە ئیسرائیلییەكان لە هۆلۆکۆست هاتبێتنەوە.


سەرۆكی ئەمەریكا ئاماژەی بۆ ئەوەكرد، ئەو كەسانەی كە دوای كۆچكرنیان كردوە بۆ ویلایەتە یەكگرتوەكان، سەیری  کەیسەکانیان دەكەم و رێگە بەهاتنیان بۆ وڵاتەكەی دەدات، هەروەك ئاشكراشیكرد؛ لەدوای قسەكانییەوە وڵاتانی  رۆژهەڵاتی ناوەڕاست بەفەلەستینییەکان رازی دەبن.


لەسەر لێدوانەكەی ترەمپ، عیزەت رەشق، ئەندامی مەکتەبی سیاسی بزوتنەوەی حەماس، رایگەیاند: هەمو ئەو پیلانانە هەڵدەوەشێننەوە كە دەبێتە هۆی ئاوارەبونی خەڵكی فەلەستین و دانیشتوانی كەرتی غەززە.


راشیگەیاند: غەززە موڵکێک نییە کە كڕین و فرۆشتنی پێوە بكرێت، چونكە بەشێکی دانەبڕاوە لە زەوییە داگیرکراوەکانی فەلەستین، لێدوانەكانی ترەمپیش هیچ بەهایەكی نییە و گوزارشتە لە نەزانییەكی قوڵ و تەواو لەسەر فەلەستین و ناوچەكە.