وەزارەتی دارایی و ئابوری حکومەتی هەرێمی کوردستان، گشتاندنی دارایی ژمارە ( 3 ) ی ساڵی ( 2025 )ـی بڵاوکردوەتەوە کە تایبەت بە یەکخستنی ڕێکارە داراییەکان لە نێوان حکومەتی هەرێمی کوردستان و حکومەتی فیدراڵ کە لە كۆبوونەوەی رۆژی 5ی ئەم مانگەی ئەنجومەنی وەزیراندا بڕیاری لەسەر دراوە.

هەواڵ:KNNC

لە رێنماییەکەدا بەهۆی ئەوەی خشتەكانی بودجەی عێراق بۆ ساڵی 2025 هێشتا لە پەرلەمان پەسەند نەكراون، حكومەتی هەرێم وەزارەتەكانی پابەندكردوە بە لیستی موچەی مانگی (1)ی ئەمساڵ و لەسەر ئەو بنەمایانە هەمو ئەم بابەتانەی راگرتووە:

- راگرتنی دامەزراندن بەهەمو شێوازەكانی (هەمیشەیی- گریبەست- كاتی- دامەزراندن لەسەر داهاتی ناوخۆ- بەلەجیاتی دانان- وانەبێژ- خۆبەخش).

-راگرتنی بەخشین و بەستی دەرماڵەی نوێ بۆ سەرجەم موچەخۆران و پابەندبون بەو رێژە و بڕانەی دەرماڵە كە لە لیست موچەی كانونی دووەمی 2025دا هاتوە.

- قەدەغەكردتی گواستنەوەی راژەی فەرمانبەران لەنێوان سەرجەم وەزارەت و لایەنە نەبەستراوەكان بە وەزارەت.

- راگرتنی ئەژماركردنی خزمەت بۆ مەبەستەكانی وەزیفەی گشتیی.