کەشناسی هەرێم هۆشداری دەدات و رایگەیاند، لە ێنجشەممەوە شەپۆلی بەفروباران ناوچە جیاوازەکان دەگرێتەوە.

هەواڵ:KNNC

بەڕێوەبەرایەتی گشتی کەشناسی و بومەلەرزەزانی هەرێم رایگەیاند، لە دوانیوەڕۆی رۆژی پێنجشەممە کەشی ناوچەکە دەگۆڕیت بۆ هەور.

ئاماژەی بەوەشکردوە، نمەباران لەسەرجەم ناوچە جیاوازەکان دەستپێدەکات، پاشان بارستەهەوایەکی سارد رو لە ناوچەکان دەکات و پلەکانی گەرما زیاتر نزم دەبنەوە، بەفربارین لە ناوچە شاخاویی و سنورییەکان دەستپێدەکات.

ئاماژەی بەوەشکردوە، لە سەنتەری پارێزگاکانی سلێمانی و دهۆک بەفروباران دەبارێت، لەهەمانکاتدا نمەباران و بارانی مامناوەند دەبارێت.

دەشڵێت: پێشبیندەکرێت (12 بۆ 18)ملیمەتر باران ببارێت، لەشەوی پێنجشەممە لەسەر هەینی بڕێکی زۆر بەفر دەبارێت و لەدوانیوەڕۆی رۆژی هەینییەوە کاریگەری شەپۆلەکە لاواز دەبێت، بەڵام پلەکانی گەرما هەر بە نزمی دەمێننەوە.