دەزگای ئاسایشی نیشتیمانی
عێراق، دەستگیرکردنی ئەندامێکی رێکخراوی داعشی راگەیاند، کە لەترسی ئەوەی دەستگیرنەکرێت
دەستیکردوە بە کاری مەی فرۆشی.
هەواڵ:KNNC
بەگوێرەی راگەیەندراوێکی
دەزگاکە، هێزەکانی ئاسایش لە بەغداد توانیویانە چەکدارێکی داعش دەستگیربکەن کە
نازناوی ئەبو ذو الفیقار بوە و بەپێی بڕگەکانی
ماددەی 4ی یاسای دژە تیرۆر داواکراوە.
ئاماژەی بەوەشکردوە، لە لێکۆڵینەوەکاندا دەرکەوتوە تۆمەتبارەکە بەشداری
ئۆپەراسیۆنەکانی دژ بە نەینەوای کردوە، هەروەها براکانیشی سەربە رێکخراوی تیرۆرستی
بون و لەکاتی ئۆپەراسیۆنەکاندا کوژراون.
دەشڵێت: تۆمەتبارەکە لەکاتی دەستگیرکردنیدا دانی بەوەداناوە لە بەشی بەرگری
ئاسمانی داعش کاریکردوە کە بەرپرسە لە روبەڕوبونەوەی فڕۆکەی هێزە ئەمنییەکان.
دەزگای ئاسایشی نیشتیمانی عێراق دەڵێت: ماوەیەکە چاودێری دەکەن ئەو
ئەندامەی داعش بۆئەوەی دەستگیرنەکرێت دەستیکردوە بە کاری مەی فرۆشی.
1065 جار خوێندراوەتەوە