دەستەی دەستپاكی عێراق راپۆرتی ساڵانەی كار و چالاكییەكانی ساڵى رابردوى بڵاوكردەوە،
هەروەها بڕی ئەو پارانەشی ئاشكراكرد كە گەڕێنراوەتەوە خەزێنەی دەوڵەت.
هەواڵ:KNNC
دەستەی دەستپاكی عێراق، بڵاویكردەوە: ساڵی رابردو لێكۆڵینەوەیان
لە 71 هەزار و 823 سكاڵا كردوە و رێكاری یاسایییان بەرامبەر 24 هەزار
دۆسیە گرتوەتەبەر و تۆمەتیشی ئاڕاستەی زیاتر لە 20 هەزار كەس كراوە لەنێویاندا
44 وەزیر و 338 پلە تایبەت و بەڕێوەبەری گشتی هەبوە.
دەستەی دەستپاكی دەڵێت: ساڵی رابردو كار لەسەر 269 دۆسێی گێڕانەوەی پارە
كراوە و بڕی 940 ملیار و 886 ملیۆن دینار بۆ خەزێنەی دەوڵەت گەڕێنراوەتەوە ،
ئاماژە بەوەكراوە کە بڕیاری دەستگیركردنیان بۆ 14 هەزار و
167 كەس دەركردوە.
دەستەی دەستپاكی عێراق ئەوەشی خستەڕو، پشتیوانییەکانى هەر سێ دەسەڵاتی
یاسادانان و جێبەجێكردن و دادوەریی بوەتە هۆی خێرابونی كارەكانیان بەتایبەت
لە دۆسیەی پەیداكردنی پارە بەشێوەی نایاسایی و گەڕاندنەوەى پارەی بەهەدەردراو.
185 جار خوێندراوەتەوە