بەپێی ئەو پێشبینیانەى بۆ کەشوهەواى ئەمڕۆ و سبەینێ کراوە کە مەراسیمى کردنەوەى ئاگرى نەورۆز و یەکەم رۆژى نەورۆزە، باران لە سەنتەرى شارەکان و بەفریش لە ناوچە سنوریی و شاخاوییەکان دەبارێت و تا نیوەڕۆى دوەم رۆژى نەورۆزیش بەمشێوەیە بەردەوام بێت.

هەواڵ:KNNC

کەشناسى پێشبینییەکانى کەشوهەواى بۆ 48 کاتژمێرى داهاتو بڵاوکردەوە؛ بەوپێیە ئەمڕۆ ئاسمان هەور و نیمچە هەور دەبێت، نمە باران  لە تەواوی ناوچە سنوریەکانی باکور و رۆژهەڵاتی هەرێم و سەنتەرى شارەکانى سلێمانى و هەڵەبجە دەبارێت و لەناوچە بەرزەکانیش بەفر دەبارێت.

لەبارەى کەشى سبەینێوە کە یەکەم رۆژى نەورۆزە، پێشبینى دەکرێت ئاسمان هەور و نیمچە هەور بێت، لەگەڵ دابارین لەزۆربەی ناوچەکانی بادینان و پارێزگای دهۆک بەشێوەی نمە بارانی کەم کەم لەگەڵ کەمێک بەفربارین لەناوچە شاخاوییە سنوریەکانی باکور.

لە کاتەکانى نیوەڕۆوە کاریگەریی ئەم بارانە درێژ دەبێتەوە  بۆ ناوچەکانی رۆژهەڵات و پارێزگای سلێمانی و لە ناوچەکانی تری هەرێمیش بەشێوەى پچرپچر باران دەبارێت پاشان کاریگەرییەکەى لاواز دەبێت و تەنها ناوچە شاخاوییە سنوریەکان بەفرێکى کەمیان لێدەبارێت.
کەشناسى پێشبینى دەکات کە ئەم کەشوهەوایە بەردەوامی دەبێت بۆکاتەکانی درەنگانی شەوی هەینی لەسەر شەممە و کاتەکانی نیوەرۆی دوەم رۆژی نەورۆز بەردەوامی ببێت، پاشان کەشی هەرێم بەتەواوی سەقامگیر ببێتەوە.

کەشى پێشبینیکراو بۆ سبەینێ 21ـى 3:
هەولێر :19  پلەی سیلیزی
سلێمانی : 17 پلەی سیلیزی
دهۆک : 15  پلەی سیلیزی
کەرکوک : 21 پلەی سیلیزی 
زاخۆ  : 15 پلەی سیلیزی
هەڵەبجە : 16 پلەی سیلیزی
سۆران : 15 پلەی سیلیزی
حاجی ئۆمەران : 8 پلەی سیلیزی
گەرمیان :21 پلەی سیلیزی