کۆنگرەى نەتەوەیی کورد،  جەژنی نەورۆزی پیرۆز کرد و رایگەیاند، لەم قۆناغە گرنگەی پڕۆسەی تێکۆشان بۆ رزگاری و ئازادیی کوردستان، دەبێ ئاگری نەورۆز ببێتە چرا و مەشخەڵێکی گەشاوەی یەکڕیزیی و تەبایی گەل و نەتەوەی کوردستان، بانگەوازییشی کردوە گەلی کورد روبکەنە گۆڕەپانەکان و پێشوازی لە نەورۆزی کوردان بکەن.

هەواڵ:KNNC

کۆنگرەی نەتەوەیی کوردستان (کەنەکە) بەبۆنەی جەژنی نەورۆزەوە پەیامێکی بڵاوکردەوە، ئاماژە بەوە دەکات سەرەڕای فشاری دوژمنان، گەلی کورد لە چوار پارچەی کوردستان جەژنی نەورۆز پیرۆز دەکات.

کەنەکە لە راگەیەنراوەکەیدا پێشوازی لە نەورۆز دەکات و جەخت دەکاتەوە لەوەی  جەژنی نەورۆز وەک مانا و واتای خۆی بە گیانی بەرخۆدان و ڕزگاری و ئازادی کوردستان پیرۆز دەکەن.

لەبەشێکی دیکەی پەیامەکەیدا کەنەکە  داوا لە گەلی کورد دەکات وەک هەمو ساڵێک بە گیانی ئاهەنگگێڕانەوە بێنە سەر شەقامەکان و  پێشوازی لە نەورۆزی کوردان بکەن".

ئاماژە بۆ ئەوەش دەکات: لەم قۆناغە گرنگەی پرۆسەی تێکۆشان بۆ رزگاری و ئازادیی کوردستان، دەبێ ئاگری نەورۆز ببێتە چرا و مەشخەڵێکی گەشاوەی یەکڕیزیی و تەبایی گەل و نەتەوەی کوردستان.