لە میانی بەرەوپێشچون و ڕێکخستنەوەی کاروبەری دەوڵەت هەوڵدان بۆ بە ئەلیکترۆنیکردنی، بەشی ئامار و زانیاریی تاڵیبان بڵاویکردوەتەوە، لە ساڵی 2024دا دوو ملیۆن و 634 هەزار و 60 ناسنامەی ئەلیکترۆنییان بەسەر هاوڵاتییاندا دابەشکردوە.

هەواڵ:KNNC

بەڕێوەبەرایەتییەکە ئەمڕۆ  یەکشەممە  لە بەیاننامەیەکی ڕۆژنامەوانیدا ڕایگەیاندوە؛  دوو ملیۆن و 634 هەزار و 60 ناسنامەیی ئەلیکترۆنیان بە هاوڵاتییانی وڵاتەکە داوە، لەو ژمارەیە یەک ملیۆن و 930 هەزار بۆ پیاوان و زیاتر لە 705 هەزاریان هی ژنان بوە.

فەرمانگەکە ئەوەشی خستوەتە ڕو، زۆرترین ناسنامەی ئەلیکترۆنی  لە ویلایەتەکانی کابول و هیرات دابەشکراوە.

لە پاڵ ئەمەشدا، بەڕێوەبەرایەتییەکە ئاماژەی بەوە کردوە بۆ کارئاسانی هاوڵاتییان  73 سەنتەری پێدانی ناسنامە بۆ ئەو منداڵانەی تازە لەدایک دەبن  لە سەرانسەری وڵاتدا دامەزراندوە.