وەزارەتی تەندروستی لە بڕیارێکدا رایگەیاندوە کە لەمەودوا بەکارهێنانی کیسەی نایلۆن لە سەمونخانە و نانەواخانەکان و چێشتەخانەکان قەدەغەیە.

هەواڵ:KNNC

دکتۆر سەرکار سورچی، وتەبێژی وەزارەتی تەندروستی بە کەی ئێن ئێن-ی راگەیاند؛ بە پێی بڕیارێکی وەزارەتی تەندروستی حکومەتی هەرێمی کوردستان بەکارهێنانی کیسەی نایلۆن لە سەمونخانەکان و نانەواخانەکان و چێشتخانەکان قەدەغەکرا وە.

ئاماژەی بەوەشکرد، بڕیارەکە بەو جۆرەیە لەمەودوا لە جیاتی کیسەی نایلۆن دەبێت کیسەی کاغەز بەکاربهێنرێت ، ئەمەش لەبەر ئەوەی لە رووی زانستییەوە کیسەی نایلۆن زیانبەخشە بۆ تەندروستی مرۆڤ و دەکرێت ببێتە هۆی سەرچاوەیەک بۆ توشبوونی مرۆڤ بە شێرپەنجە.

لەماوەکانی رابردوشدا بەهەمان شێوە چەندین رێنمایی و بڕیار لەوبارەیەوە هەبو بۆ ئەوەی کیسەی کاغەز وەک و جێگرەوەیەک لە جیاتی کیسەی نایلۆن بەکاربهێندرێت، بەڵام زۆربەی شوێنەکان پابەند نەبون پێوەی.