بەهۆى بۆردومانى ئیسرائیل بۆسەر ناوەندى بەیروت 22 کەس کوژراون و زیاتر لە 100 کەسى دیکەیش بریندار بون، چەند سەرچاوەیەکیش ئاماژە بۆ ئەوەدەکەن کە چەند سەرکردەیەکى حیزبوڵا لە هەوڵى کوشتن رزگاریان بوە.

هەواڵ:KNNC

میدیاکان بڵاویانکردوەتەوە کە لە باشورى لوبنان، بەهۆى بۆردومانى ئیسرائیلەوە دوو ئەندامى سەربە نەتەوەیەکگرتوەکان کوژراون و نەتەوەیەکگرتوەکانیش هۆشدارى دەدات لەوەى ژیانى ئەندامەکانى لە مەترسیدایە.

چەند سەرچاوەیەکى ئەمنیی ئاماژەیان بۆ ئەوەکردوە کە وەفیق سەفا، کە سەرکردایەتیی یەکەى پەیوەندیی و هەماهەنگى حیزبوڵا دەکات رۆژى رابردو لەلایەن ئیسرائیلەوە بەئامانجگیراوە، بەڵام رزگارى بوە.

لە ساڵى رابردوەوە و دواى ئەوەى گروپەکانى سەربە ئێران پاڵپشتى خۆیان بۆ فەڵەستین راگەیاند گرژیی لەنێوان حیزبوڵا و ئیسرائیل دروستبوە، لە چەند هەفتەى رابردوش گرژییەکان ئاڕاستەیەکى دیکەیان گرتوە و ئیسرائیل دەستى بە بۆردومانکردنى ناوەندى بەیروت و کوشتنى سەرکردەکانى حیزبوڵا کردوە.