مقاوەمەی ئیسلامی لە عێراق وادەى کۆتایى هاتنى هێرشەکانیان بۆسەرئیسرائیل  ئاشکرا دەکات، راشیدەگەیەنێت ئاستى هێرشەکانیان بەرێژەی 30%  بەرزکردوەتەوە.

هەواڵ:KNNC

سەرچاوەیەک لە مقاوەمەى ئیسلامى لە عێراق بە میدیاکانى عێراقى راگەیاندوە، هێرشەکانیان بۆسەر ئیسرائیل بەردەوامە و توانیویانە ئاستى هێرشەکانیشیان بەڕێژەى 30%ى  بەرزکردوەتەوە و لە مانگى داهاتوشدا بەرزتریش دەبێتەوە.

ئەو سەرچاوەیە راشیگەیاندوە، توانیویانە 11 ناوچە لە قوڵایى خاکى ئیسرائیلدا بە ئامانج بگرن و لەهەمانکاتدا ئیسرائیل نەیتوانیوە65%ى هێرشەکان پوچەڵ بکاتەوە.

سەرچاوەکەى بەرەى مقاوەمەى ئیسلامى راشیگەیاندوە، هێرشەکانیان بەردەوام دەبێت تا ئەوکاتەى تاوانەکانى ئیسرائیل دژى خەڵکى بێتاوانى لوبنان و فەڵەستین  رادەگیرێت.

ئەوەش لە کاتێکدایە ئەمڕۆ مقاوەمەی ئیسلامی لە عێراق لە بەیاننامەیەکدا ڕایگەیاند، بە فڕۆکەی بێفڕۆکەوانەوە هێرشیان کردە سەر پێگەییەکی گرنگ لە باکوری ئیسرایل و لە 10 رۆژى رابردوشدا 20 هێرشیان بە درۆن و موشەک  کردوەتەسەر ئەو وڵاتە.