کەشناسی هەرێم رایگەیاند، ئەمڕۆ ئەگەری بارینی کەمێک نمە باران هەیە، سبەینێش پلەکانی گەرما نزمتر دەبنەوە و باران بارین زیاتر دەبێت.

هەواڵ:KNNC

بەڕێوەبەرایەتی گشتی کەشناسی و بومەلەرزەزانی هەرێم رایگەیاند، ئەمڕۆ ئاسمان نیمچە هەور بۆ هەوری تەواو دەبێت، لە ناوچە شاخاوییەکانی سنوری پارێزگای سلێمانی ئەگەری نمەباران هەیە.

سەبارەت بە کەشی سبەینێ شەممە کەشناسی هەرێم دەڵێت: ئاسمان هەوری تەواو دەبێت نمە باران و بارانی مامناوەند لە کات و ناوچەی جیاجیا دەبارێت، لە کاتەکانی ئیوارەدا ڕێژەی دابارین کەمێک زیاتر دەبێت بە تایبەت لە سنوری پارێزگای سلێمانی پاشان لە شەودا کاریگەری ئەو شەپۆلە زیاد دەکات و باران بارین تەواوی ناوچەکانی هەرێمی کوردستان دەگرێتەوە.

ئاماژەی بەوەشکردوە، پلەکانی گەرما یەک تـــا دوو پلە نزمتر دەبێتەوە.

بەرزترین پلەکانی گەرمای پێشبینیکراو بە پلەی سیلیزی :
هەولێر     : 22 پلەى سیلیزى
سلێمانی  : 21 پلەى سیلیزى
دهۆک     : 23 پلەى سیلیزى
کەرکوک  : 23 پلەى سیلیزى
هەڵەبجە : 21  پلەى سیلیزى
زاخۆ      : 23 پلەى سیلیزى
حاجی ئۆمەران : 10 پلەى سیلیزى
سۆران    :  20 پلەى سیلیزى
گەرمیان  :   23 پلەى سیلیزى
بەشى پێشبینى / 01- 11- 2024