بۆ بەهاناوە چونی لێقەوماوان، سەرۆك وەزیرانی ئیسپانیا (10) هەزار ئەندامی سوپای وڵاتەكەی رەوانەی ناوچەی رۆژهەڵاتی  ڤالێنسیا دەكات.

هەواڵ: (KNNC)


پێدرۆ سانچێز، سەرۆک وەزیرانی ئیسپانیا رایگەیاند: بۆ بەهاناوە چونی لێقەوماوانی زریانە بەهێزەكەی چەند رۆژی رابردو كە بەهۆیەوە زیاتر لە (200) گیان لەدەستدان و بێسەروشوێن بونی ژمارەیەكی دیكەی لێكەوتوەتەوە، (10) هەزار ئەندامی هێزە چەكدارەكان كە لە سەرباز و پۆلیس پێكهاتون رەوانەی رۆژهەڵاتی ڤالێنسیای وڵاتەكەی دەكات.

وتیشی: بێجگە لە بەشداریكردنی دو هەزار و (500) پاسەوانی مەدەنی و هەزار و (800) پۆلیسی نیشتیمانی، كە زیاتر لە چوار هەزار و (500) كەسیان رزگار كردوە، هەزاران هاوڵاتی ئیسپانیا  خۆبەخشانە هاوكاری تیمەكانی حكومەتیان كردوە و بەهانای لێقەوماوانەوە رۆشتون.

سەرۆک وەزیرانی ئیسپانیا ئاماژەی بۆ ئەوشكرد، تا ئێستاش کارمەندانی فریاگوزاری لە شوێنە جیاوازەكان و ناو ئۆتۆمبێل و باڵەخانە نوقمبوەکان دە پشكنن و لە هەوڵی رزگار كردنی لێقەوماواندان كە بەهۆی لافاوەكەوە روبەڕوی دۆخێكی سەختی تەندروستی بونەتەوە.