پیپ گواردیۆلا لەدوای مانچستەرسیتی كار لەگەڵ هیچ  یانەیەكی تردا ناكات و پلانی ئەوەیە ئەركی ڕاهێنەرایەتی هەڵبژاردەیەك وەربگریت.

هەواڵ:KNNC

لەمیانی بەشداریكردنی لە پۆدكاستێكدا پیپ گواردیۆلا ئاشكرایكرد لە دوای مانچستەرسیتی خۆی لە هیچ یانەیەكی تردا نابینێتەوەو ئەو یانەیە دەبێتە كۆتا یانە كاریان لەگەڵدا بكات.گواردیۆلا ئاشكراشیكرد بۆ هەڵبژاردە نیشتمانییەكان شتێكی ترەو رەنگە لەداهاتودا كار لەگەڵ هەڵبژاردەیەكدا بكات، چونكە كاركردن لەگەڵ هەڵبژاردەكاندا ئاسانترەو پشوی زیاتری تێدایە.

راهێنەرە كەتەلۆنیەكە كە بەفەیلەسوف ناسراوە وتویەتی دوای وازهێنانی لە پیشەی ڕاهێنەرایەتی دەگەڕێتەوە بۆ ئەنجامدانی یاری گۆڵف.

ناوی پیپ گواردیۆلا بە گرتنەدەستی ڕاهێنەرایەتی هەڵبژاردەی بەرازیل دەبەستێرەوەو بەئەگەرێكی زۆرەوە دوای مانچستەرسیتی ئەو راهێنەرە دەبێتە راهێنەری سەماكارانی سامبا.