لە کۆتایی هەفتەدا نرخی زێڕ بەرزبونەوەی تۆمارکرد و ئۆنسەیەک بە 2688 دۆلار مامەڵەی پێوەدەکرێت.

ئابوری: KNNC

ئەمڕۆ هەینی لەگەڵ کردنەوەی بازاڕە داراییەکان نرخی زێڕ بەڕیژەی  0.3% بەرزبوەتەوە و بە 2688.29 دۆلار مامەڵەی پێوەدەکرێت.

هاوکات، نرخی ئایندەی زێڕی ئەمەریکا بە 2711 دۆلار مامەڵەی پێوەدەکرێت.

یەکێک لە هۆکارەکانی بەرزبونەوەی نرخی زێڕ، چینە کە گەورەترین بەکارهێنەری زێڕە و دەستیکردوە بە کڕینی زێر، هەروەها چاوەڕوانییەکان بۆ کەمکردنەوەی رێژەی سودی بانکی ناوەندی ئەمەریکا، هۆکارێکی دیکەی بەرزبونەوەی نرخی زێڕە.

سەبارەت بە کانزاکانی دیکەش، نرخی یەک ئۆنسە زیو بە 30.94 دۆلارە و پلاتینیۆم بەڕێژەی بە 933.65 دۆلار، مامەڵەیان پێوەدەکرێت.