رێبەرى کۆمارى ئیسلامى ئێران دەربارەی لەناوچونی هێزە بەوەکالەتەکانی وڵاتەکەى لە ناوچەکەدا رایگەیاند، ئەو لایەنانەی کە باسی لەدەستدانی هێزە بەوەکالەتەکانی ئێران لە ناوچەکەدا دەکەن، لە هەڵەدان و وڵاتەکەی هێزی نوێنەری نییە.


هەواڵ:KNNC



ئاژانسى هەواڵى تەسنیم-ى ئێران بڵاویکردەوە؛ عەلى خامنەیی، رێبەری کۆمارى ئیسلامى ئێران رایگەیاندوە، حیزبوڵای لوبنان، حەمماس و حوسیەکانی یەمەن لەبەر ئیمان و باوەڕەکانیان شەڕ دەکەن و ئەو لایەنانەش نوێنەرایەتی وڵاتەکەی ناکەن و جەختی کردەوە هەر شتێک بیانەوێت، ئەنجامی دەدەن و پێویستیان بە هێزی بەوەکالەت نییە. 


خامەنەیی سەبارەت بە دۆخی سوریا وتویەتى: ئەمەریکا دەیەوێت لەڕێگەی پەیڕەوکردنی ستەمکاری و دروستکردنی ناسەقامگیریە بەسەر وڵاتاندا زاڵ بێت و ئەوەی لە سوریاش رویداوە، دروستکردنی ناسەقامگیریە.


رێبەری کۆمارى ئیسلامى ئێران پێشبینی سەڕهەڵدانێکی بەهێز لە سوریا دەکات و دەڵێت، سبەی ناوچەکە لە ئەمڕۆ باشتر دەبێت.