هێزەکانى سوریاى دیموکرات شەهیدبونى 15 شەڕڤانى لە 23 رۆژى رابردوى روبەڕوبونەوەى هێزەکانیان بۆ دەستدرێژییەکانى تورکیا لە رۆژئاواى کوردستان راگەیاند.

هەواڵ:KNNC

لە بەیاننامەیەکدا هەسەدە دەڵێت: 15 لە هاوڕێکانمان چونە ریزى شەهیدانى نەمر، ئەوانەى بە خوێنیان و بە  رۆحى نیشتیمانپەروەریی بەرگرییان لە خەڵکى ناوچەکانى باکور و رۆژهەڵاتى سوریا کرد لەبەرامبەر داگیرکارییەکانى تورکیا.

بەپێی بەیاننامەکەى هێزەکانى سوریاى دیموکرات، ئەم 15 شەڕڤانە لە روبەڕوبونەکانیان لە حەلەب و مەنبج و قەرەقۆزاق و بەنداوى تشرین و دێرەزور بەرامبەر داگیرکاریی و پێشێلکارییەکانى تورکیا شەهید بون.

خەجتیش دەکەنەوە کە پێداگیرن لەسەر بەردەوامیدان بە رێبازەکەیان لە روبەڕوبونەوەى داگیرکەران و پوچەڵکردنەوەى پیلانەکانیان.