وتەبێژی هەسەدە
رایدەگەیەنێت: هێزەكانی سوریای دیموكرات چەك دابنێت گەلی كورد لە سوریا قڕدەكرێت و
تا ئەو كاتەی حكومەت و پەرلەمانی سوریای نوێ پێكنەهێنرێت تێكەڵ بەسوپای سوریا نابن.
هەواڵ: (KNNC)
لە گەشتی هەواڵەكانی
كاتژمێر (07:00)ـی كەی ئێن ئینـدا فەرهادی شامی، وتەبێژی هێزەكانی سوریای دیموكرات (هەسەدە)
رایگەیاند: هێزەكانی سوریای دیموكرات (هەسەدە) چەك دانانێت، چونكە ئەگەر چەك
دابنێت گەلی كورد لە سوریا قڕدەكرێت.
سەبارەت بە تێكەڵ بونی
هەسەدە لەگەڵ سوپای سوریا وتیشی: تا ئەو كاتەی حكومەت و پەرلەمانی سوریا پێك
نەهێنرێت، هێزەكانی سوریای دیموكرات تێكەڵ بە سوپای سوریا نابێت.
وتەبێژی هەسەدە ئاماژەی
بۆ ئەوەشكرد، وڵاتە عەرەبییەكان دەیانەوێت لە سوریای نوێدا رۆڵیان هەبێت، ئەوەش توركیای نیگەران كردوە چونكە ویستی ئەو
وڵاتە پێكهێنانی حكومەتێكە كە گرێدراو و نزیك لە ئەنقەرە بێت.
661 جار خوێندراوەتەوە