لەسەرەتاى مانگى رابردوەوە تا ئێستا نزیکەى 200 هەزار پەنابەری سوریی گەڕاونەتەوە بۆ ناوچەکانى خۆیان و زۆرترینیشیان بەرەو پارێزگاى حەلەب گەڕاونەتەوە.

هەواڵ:KNNC

فیلیپۆ گراندى، کۆمیساریی نەتەوە یەکگرتوەکان بۆ کاروبارى پەنابەران لە لاپەڕەى تایبەتى خۆى لە تۆڕى کۆمەڵایەتیی ئێکس نوسیویەتى:" لەگەڵ کەوتنى رژێمى بەشار ئەسەد لە 8ـى کانونى یەکەمى ساڵى رابردوەوە تا 16ـى کانونى دوەمى ئەمساڵ، 195 هەزار و 200 پەنابەری سوریی گەڕاونەتەوە بۆ وڵاتەکەیان.

هەر بەپێی زانیارییەکانى ئەو کۆمیسیاره، ساڵى رابردو زیاتر لە 550 هەزار هاوڵاتیی سوریی گەڕاونەتەوە بۆ وڵاتەکەیان و زۆرترینیشیان بۆ پارێزگاى حەلەب بوە کە رێژەکەى گەیشتوەتە 23%.

ئاماژەى بۆ ئەوەشکردوە کە لەگەڵ ئەوەى بەشێکى زۆرى پەنابەران حەزیان هەیە بۆ گەڕانەوە بۆ خاکى سوریا، بەڵام بەشێکیان تا ئێستا دودڵن و پێویستیان بە هاوکاریی ماددى و لۆجستى هەیە تا بتوانن دوبارە ژیانیان دروستبکەنەوە.