دوای ئۆپەراسیۆنێکی شەش رۆژە و پێکدادان لەگەڵ حیزبوڵای لوبنان، سوپای سوریا چەند ناوچەیەکی سنوری لە پارێزگای حومس کۆنتڕۆڵکرد.

هەواڵ:KNNC

یوسف خالد، فەرماندەی سەربازی سوپای سوریا رایگەیاند، لە ئۆپەراسیۆنێکدا کە شەش رۆژی خایاندوە و دەستیانگرتوە بەسەر چەندین چەکدا، هاوکات کۆنتڕۆڵی چەند ناوچەیەکی سنوری لە پارێزگای حومس کراوە.

ئاماژەی بەوەشکردوە، سوپای سوریا ئۆپەراسیۆنێکی لە ناوچە سنورییەکانی نێوان لوبنان-سوریا، بەمەبەستی بەرەنگاربونەوەی قاچاخچێتی چەک و ماددەی هۆشبەر و دەستگیرکردنی چەکدارانی حیزبوڵا دەستپێکردوە.

ئاماژەی بەوەوەشکردوە، هەر لەو ئۆپەراسیۆنەدا دوو چەکداری حیزبوڵا بە دیل گیراون و چەندین چەکداری دیکەش کوژراون، هەروەها سوپای سوریا دەستیبەسەر چەند ناوچەیەکی ستراتیژیدا گرتوە و توانراوە کۆنتڕۆڵی ناوچە سنورییەکانی نێوان لوبنان و سوریا بکات.