کەشناسی هەرێم بڵاویکردوەتەوە؛ لەئێوارەی ئەمڕۆوە شەپۆلێکی باران بارین زۆرینەی ناوچەکانی هەرێمی کوردستان دەگرێتەوە، لە شەودا شەپۆلەکە بەهێزتر دەبێت و سبەی شەو کۆتایی دێت
هەواڵ:KNNC
بەڕێوەبەرایەتی کەشناسی هەرێمی کوردستان ڕایگەیاند، ئەمڕۆ ئاسمان نیمچەهەور و هەورى تەواودەبێت و لە کاتەکانى ئێوارەدا شەپۆلێکى نمە باران و هەورە تریشقە زۆربەی ناوچەکانی هەرێم دەگرێتەوە و لە درەنگانى شەودا شەپۆلەکە بەهێزتر دەبێت.
ئاماژە بەوەشکراوە لەگەڵ بەهێزبونی شەپۆلی باران بارینەکەدا خێرایی با زیاد دەکات و لە کاتژمێرێکدا دەگاتە 30 کیلۆمەتر، ئەوەشی خستوەتە ڕو کەپلەکانی گەرما هاوشێوەی دوێنێ دەبێت.
لەبارەی کەشی سبەینێوە کەشناسی ئاماژەی بەوەداوە؛ ئاسمانى هەرێم هەوری تەواو بێت لە گەڵ بەردەوامبونى شەپۆلى نمە باران و هەورە تریشقە لە کاتەکانى بەرەبەیانیدا و پاشان کاریگەریەکەى تەنها لە ناوچە شاخاویەکان دەمێنێتەوە و لە شەودا کۆتایی پێدێت.
لە بارەی جیاوازی پلەکانی گەرماشەوە، ئەوەی خستوەتە ڕو؛ خێرایی با کەم دەبێتەوە و پلەکانی گەرما بەراورد بە ئەمڕۆ سێ بۆ چوار پلە دادەبەزن.
239 جار خوێندراوەتەوە