ساڵی (2009) یەکەم جار بزوتنەوەی گۆڕان بەشداری ھەڵبژاردنی
پەرلەمانی کوردستانی کرد ئەوکات لیستی ھاوپەیمانی پارتی و یەکێتی لە کفری بە چەند
دەنگێکی کەم توانیان یەکەم دەنگی ئەم شارە بن. کە ئەو سەردەمە گۆڕان یەکەمی زۆنی سەوز بو وە دووەمی زۆنی زەرد بوو .
ئەمەش بۆ یەکێتی لەکاتی خۆی بە ئاسانی قبوڵ نە ئەکرا و لەکۆبوونەوەی
مەکتەبی سیاسی دوای ھەڵبژاردنەکان ئەندامێکی
مەکتبی سیاسی کە لەمیدیاش بڵاو کرایەوە وتبوی لەکفری کەمترین خزمەتمان کردوە و زۆرترین
دەنگمان ھێناوە. کە ئەو کات بودجە و پارە ئەژمار نەئەکرا و نەوت و بودجەی عیراق و پارەی ھەرێم و ھتد ھەبو . بەڵام
لە (2009)ەوە تا ئێستا چی لە کفری کراوە؟
ھەر لەو کابینەیەی کە بەردی بناغەی زانکۆی گەرمیانی دانا
و چەندین بەرێوەبەرایەتی گشتی لە گەرمیان دانرا و چەندین پرۆژە جێ بەجێکرا کەمترینی
بەر کفری کەوت . لەمەشدا دەردەکەوێت کێ باڵا دەست و کێ حزبی حاکم بوە لەکفری .
کێ بەرپرسە لەدۆخی کفری؟
لەگەڵ ھەڵتۆقینی داعش و ئاوارە بونی بەشێکی زۆر لەعەرەبی ناوچەکە و ناوەراست و باشور و ھاتنی بەلێشاویان
بۆ ھەرێمی کوردستان بەشێکی زۆریان لەسنووری کفری نیشتەجێ بوون . دیمۆگرافیا و ھەڵکەوتەی
کفری کە ھاوسنورە لەگەڵ ناوچە دابڕێنراوەکان وایکردووە لەگەڵ زۆربونی کۆچکردنی خەڵکی شارەکە لەبەرکەمی پرۆژە و ھەلی کار
و دورە دەستی لەشارە گەورەکان بۆی ھەیە لە ئایندەدا بێتە مەترسی لەسەر شارەکە.
حکومەتی ھەرێم و بەتایبەت لایەنی سەرەکی کە جومگە سەرەکیە
کارگێڕی و ئاسایش و نەوت و گومرگ و داھاتی بەردەستە بێ یەک و دو یەکێتیە . کفری لە
چاو شارەکانی تری ھەرێمیش کەمترین خزمەتی
بەرکەوتوە و لەکاتێک کفری دەیان ساڵ ناوەندێکی
بازرگانی و کارکردن بوە کەم شاری تر ئەو ھەلانەی بۆ رەخساوە .
لەدوای رێکەوتنی گۆڕان و یەکێتی بۆ پێکھێنانی حکومەتی خۆجێیی
لەسنووری شاری کفری لەساڵی (2015) ەوە تائێستا ئەوەی گۆڕان لێی بەرپرسە لەم شارە یەک
ناحیەی بەدەستە کە زۆرترین نەوتی ئەم سنوورەی تیایە و بەڵام بەھۆی نارونی لەشەفافیەتی
نەوت و کۆمپانیای کەسی و حزبی کەمترین هاوڵاتی ئەم سنورە لێی سودمەندبون . گۆڕان لەناو
کفریش لە یەک پۆستی کارگێڕی بەرپرس نەبوە لە (2009)ەوە تائێستا ھەرچی پۆستی ئەم شارە ھەیە یەکێتی دایناون و یەکێتیش گۆڕیونی .
ھەرچیش کە کرابێ بەهۆی فشاری چالاکانی مەدەنی و کەمپینەوە
کراوە . حکومەت بەرپرسە لە دۆزینەوەی ھەلی کار و کردنەوەی کۆلێژ و پەیمانگا و ھێنانی
بەرێوەبەرایەتی گشتی و سود وەرگرتن لە شوێنەوارەکانی شار بۆ کەرتی گەشتوگوزار.
بۆیە ئەم شارە بۆ
ئەوەی بەدەردی زۆر شوێنی تر نەچێ و ئاخی بۆ ھەڵنەکێیشن پێویستە حکومەتی ھەرێم و پەرلەمان
و سەرۆکایەتی ھەرێم و ئەنجومەنی پارێزگا و خەڵک و لایەنەکان و چالاکانی مەدەنی پێویستە
بیر لە ئاوەدان کردنەوەی بکەینەوە و تا چیتر نەخۆش رەوانەی شارەکان نەکرێت و خەڵکەکەی
کۆچ نەکات و نەوتەکەی نەبێتە مایەی خۆشگوزەرانی بۆھەندێک ونەبێتە نەفرەت بۆ زۆرینەش .
562 جار خوێندراوەتەوە