رۆمانیا بڵاویکردەوە کە سیستمی بەرگریی موشەکی ''پاتریۆت'' دەبەخشێتە ئۆکرانیا

هەواڵ:KNNC

بەپێی ئەو پرۆژە یاسایەی لە پەرلەمانی رۆمانیا پەسەند کراوە و بە ڕەزامەندی لکاوس لۆهانیس سەرکۆماری وڵاتەکە دەچێتە بواری جێبەجێ کردنەوە، ڕۆمانیا لەو دوو سیستمە بەرگرییەی ''پاتریۆت'' کە لەبەردەستیدایە، یەکێکیان دەبەخشێتە ئۆکرانیا.

بەم بڕیارەی ڕۆمانیا، ئۆکرانیا دەبێتە خاوەنی سیستمێکی بەرگریی مەودا درێژی زۆر کاریگەر.

دوای بڕیارەکە ڤۆلۆدیمێر زێلێنسکی سەرۆکی ئۆکرانیا، رایگەیاند: ''ئەمە هاوکارییەکی زۆر بەهێزە لە پاراستنی کایەی ئاسمانیی و گەلەکەمان و ژێرخانمان بەرامبەر تیرۆری موشەکی ڕوسی''.

ڕۆمانیا کە لە ساڵی 2004ەوە بوەتە ئەندامی ناتۆ، بە درێژایی 650 کیلۆمەتر سنوری لەگەڵ ئۆکرانیا هەیە.