خۆراک کاریگەرییەکی بەرچاوی هەیە لەسەر باری جەستەیی و تەندروستی مرۆڤ، چەند خواردن و خواردنەوەیەک هەن کە دەبێت ئاگاداربین بە گەدەی بەتاڵ نابێت بخورێن.

تەندروستی: KNNC

ئەو خواردن و خواردنەوانەی نابێت بە گەدەی بەتاڵ بخورێن ئەمانەن:

-ئاوی پرتەقاڵ؛ چونکە دەبێتەهۆی هەوکردنی گەدە و ریخۆڵە، باشترە ئاوی پرتەقاڵ لە کۆتایی ژەمەکەدا بخورێت نەک پێش نان خوارد.


- خواردنەوە شیرینەکان؛ خواردنەوەی خواردنەوە دەوڵەمەندەکان بە شەکر لەسەر گەدەی بەتاڵ دەبێتە هۆی پچڕانێک لە کارکردنی پەنکریاسدا، کە ناتوانێت پێویستی بە ئەنسۆلین دیاری بکات، ئەمەش دەبێتە هۆی دابەزینی بەرچاوی ئاستی شەکری خوێن و دەبێتە هۆی ناهاوسەنگی ترشەڵۆکەکان.

- خەیار و بیبەری شیرین و قەیسی؛ ئەم خواردنانە دەبنەهۆی خورانی پەردەی گەدە ئەگەر لەسەر سکی بەتاڵ بخورێت.

- شیر؛ خواردنی شیر بە سکی بەتاڵ دەبێتە هۆی کارلێککردنی لەگەڵ بەکتریاکانی ناوەوەی گەدە کە ئەمەش دەبێتە هۆی ماندوێتی و هەستکردن بە ڕشانەوە، جگە لەوەش شیر تایبەتمەندییە خۆراکیەکانی لەدەست دەدات.

- چا؛ خواردنەوەی چا بە سکی بەتاڵ تەنانەت دوای خواردنیش دەبێتە هۆی هەڵمژینی ئاسن لە لەشدا و دەبێتە هۆی کەمخوێنی، باشتر وایە دوو کاتژمێر دوای نانخواردن بیخۆیت.

-تەماتە؛ دەبێتە هۆی ئەوەی ترشەڵۆکەکانی ناوەوەی کارلێک بکەن لە گەدەدا و نەتوێنەوە، ئەمەش دەبێتە هۆی زیانگەیاندن بە گەدە.

- کافایین؛ ئەو خواردنەوانەی کە کافایینیان تێدایە وەکو قاوە و خواردنەوە گازییەکان بە گەدەی بەتاڵ دەبێتە هۆی دروستبوونی برینی گەدەی درێژخایەن، لەگەڵ هەستکردن بە دڵەکزێ.

- ئاوی سارد؛ ئاوی سارد کاریگەری نەرێنی لەسەر کرداری هەرس هەیە بەو پێیەی پرۆسەی هەرس خاو دەکاتەوە، دەبێتە هۆی ماندوێتی گەدە لە بەیانیاندا.