لەگەڵ هاتنى وەرزى زستان، بەهۆى گۆڕانى کات و درێژبونى شەوان کێشەى زیادبونى کێش لەنێو کەسانێکى زۆر دروست دەبێت، چونکە لەو وەرزەدا خواردنە قورسەکان زیاتر دەخورێت و رێژەى خواردنیش زیاتر دەبێت.

تەندروستى:KNNC

لەگەڵ ئەوەى لە زستاندا زیاتر دەخۆین، لەو وەرزەدا گۆڕان لە هۆرمۆنەکانیش رودەدەن وەک هۆرمۆنى میلاتۆنین کە کاتژمێرى بایۆلۆجى جەستە رێکدەخات و کۆنتڕۆڵى هەستى برسێتى دەکات کە بەڕێژەى 80% لە زستاندا زیاد دەکات ئەمەش رۆڵێکى گرنگیی دەبێت لە زیادبونى کێش.

بەوهۆیەوە؛ پێگەیەکى تەندروستى کۆمەڵێک رێنمایی خستوەتەڕو بۆئەوەى ڕێگریی لە زیادبونى کێشى لەش بکەین لە وەرزى زستاندا کە ئەمانەن:

-هەوڵبدە خواردن و میوە و سەوزە تایبەتەکان بە وەرزى زستان بخۆن وەک گێزەر و شێلم کە پڕن لە سەرچاوەى خۆراکیی گرنگ و کالۆریشیان زۆر کەمە، ئەمەش هەستى تێربون زیاد دەکات و رێگرییش دەکات لە زۆرخۆریی.

-لە خواردنەکاندا رێژەى بەکارهێنانى بەهارات زیادبکەن بەتایبەت زەنجەبیل و بیبەرى وشککراو و زەردەچەوە ئەمەش وادەکات هەم خواردنەکان تامیان خۆشتر بێت و هەم گەرمیی لەش بەرز دەکاتەوە و هەم پرۆسەى سوتانى چەوریی خێرا دەکات.

-ئاو و چا و شەربەتى لیمۆ زۆر بخۆنەوە چونکە بڕێکى باش دژە ئۆکسانیان تێدایە و یارمەتیدەرن بۆ سوتاندنى چەوریی لە لەشدا.

-ئەگەر هەستت بە برسێتى کرد پێویستە سوکە ژەمى تەندروست بخۆیت کە رێژەیەکى کەم چەوریی و کالۆرییان تێدایە تا رێگە لە زیادبونى کێشت بگریت.

-پسپۆڕان رێنمایی دەکەن کە خواردنى گازۆ و کەتان و بادەم و تۆوى چیا لە ژەمەندا بەکاربخێنن چونکە یارمەتى دەدەن لەڕێی چەوریی سودبەخشەوە هەستى تێربون زیاتر ببێت و هاوکاریی رێکخستنى رێژەى کالۆریش دەدەن لە لەشدا.