عەبدوڵا مەلا نورى جارێکى دیکە پشتیوانى خۆى بۆ بزوتنەوەى گۆڕان و لیستى 114 دەربڕى و داواش دەکات هاوڵاتییان هەلێکى دیکە بە بزوتنەوەکە بدەنەوە و چاودێرێکى جددیش بن بەسەریانەوە.

هەواڵ:KNNC


عەبدوڵا مەلا نورى، ئەندامى خولى سێهەمى پەرلەمانى کوردستان، لە لاپەڕەى تایبەتى خۆى نوسیویەتى:" خۆشحاڵم بزوتنەوەى گۆڕان خۆى لە سێبەرى بنەماڵە و زەلکاوى حکومەتى سلێمانى و هەولێر رزگار کرد و دەبێت بە زویی پرۆسەى کشانەوەکەى تەواو بکات.

دەشڵێت: جێی خۆشحاڵییە بزوتنەوەى گۆڕان بوەوە بە ئۆپۆزسیۆن و گەڕایەوە ناو دەنگدەرەکانى و بە دەنگى بەرز سێ جار داواى لێبوردنى کرد.

ئەو ئەندامەى پێشوترى پەرلەمانى کوردستان داوا لە هاوڵاتییان دەکات پشتیوانى بزوتنەوەکە بکەن و دەڵێت:" بە بڕوای ئێمە بڕۆن پشتیوانی گۆڕانەکەی ئێستاتانبن، دەنگی پێ بدەنەوە، بەهێزی بکەنەوە، وەلێ چاودێری بکەن و هەردەم لێی بپرسنەوە.

هەروەک جارێکى دیکە پشتیوانى خۆى بۆ بزوتنەوەى گۆڕان دەربڕى و نوسیویەتى؛ "بە دەنگەکانمان یەک جار هەل و دەرفەتێکی تری پێدەدەینەوە و چاودێرێکی جددیش دەبین بە سەریانەوە و لە هیچ لادانێکیش بێدەنگ نابین.